Банктердің тұрақтылығын қамтамасыз ету жұмыстары жалғасады - Данияр Ақышев

АСТАНА. ҚазАқпарат - ҚР Ұлттық банкі банктерді қалпына келтіру және тұрақтылығын қамтамасыз ету жұмысын жалғастырады. Бұл туралы бүгін Үкіметтің селекторлық режімдегі отырысында ҚР Ұлттық банкі төрағасы Данияр Ақышев айтты, деп хабарлайды ҚазАқпарат тілшісі.

«Ұлттық банк мұнай бағасы төмендеген кезде Қазақстан Республикасының 2019 - 2023 жылдарға арналған әлеуметтік-экономикалық даму болжамдарына өзгерістерді қолдайды.  Бұл ретте, болжамдағы теңгенің айырбастау бағамының есеп айырысу мәні біз үшін бағдар емес. Ұлттық банкі өзгермелі айырбастау бағамы режимін сақтайды», - деп түсіндірді ол.

Д.Ақышевтің айтуынша, Ұлттық банктің инфляция бойынша ортамерзімді мақсаты 4 пайызға жуық деңгей болып қалады.

«Экономикадағы инфляциялық ая жоғары болып қалуда. Инфляцияның 2019 жылдың дәлізінен тыс 4-6 пайыз шығу тәуекелі сақталуда. Инфляцияның өсуін болдырмау үшін ақша-кредит саясатын одан әрі қатаңдатуға болады. Сонымен қатар базалық мөлшерлеме нақты көрсетуде экономиканың ұзақ мерзімді өсу қарқынынан аспайды», - деді ҰБ төрағасы.

Ол Қазақстан Ұлттық банкі банктерді қалыпқа келтіру және тұрақтылығын қамтамасыз ету бойынша жүйелі жұмысты жалғастыра беретіндігін де айтты.

«Бұл шаралар  «7-20-25» бағдарламасын іске асыру және банктерге 600 млрд теңге шегінде өтімділік беру банктердің кредиттік белсенділігінің өсуіне ықпал етеді», - деді  Д.Ақышев.