Барак Обама АҚШ-та президенттік сайлауда жеңіске жетті
АСТАНА. 7 қараша. ҚазАқпарат - АҚШ Президенті Барак Обама сайлау коллегиясындағы сайлаушылардың жеңіске жету үшін қажетті 274 дауысына ие болды.
Бұл туралы дауыстардың дербес есебін жүргізіп отырған CNN телеарнасы хабарлады.
Осылайша Обама екінші кезеңге қайта сайланды. Митт Ромни 201 дауыс жинады. АҚШ-та Президенттік сайлауда кем дегенде сайлаушылардың 270 дауысын жинай алған үміткер жеңіске жетеді. Сайлау «жеңімпаз барлығын алады» жүйесі бойынша өткізіледі.
