«Барыс» хоккей клубының президенті ауысты

АСТАНА. ҚазАқпарат - «Барыс» хоккей клубында жаңа тағайындаулар болды, деп хабарлады «ҚазАқпарат» ХАА тілшісі.

«Қамқоршылық кеңестің шешімімен «Барыс» ХК президенті лауазымына Асқар Сейдахметұлы Шопобаев тағайындалды», - делінген баспасөз қызметі хабарламасында.

Бүгін тараптардың келісімімен «Барыс» ХК президенті Александр Корешковпен жасалған еңбек келісім-шарты бұзылды.

Асқар Шопобаев 2010-2015 жылдарда «Алматы» ХК мен Алматы және Алматы облысындағы Қазақстандық хоккей федерациясының филиалын басқарды.