«Барыс»-«Салават Юлаев» арасындағы серия ҚХЛ -дың ең қызықты тартысы деп танылды
АСТАНА. ҚазАқпарат - Ресейдің Чемпионат.com порталы жүргізген сауалнамасы бойынша Гагарин кубогындағы астаналық «Барыс» пен уфалық «Салават Юлаев» арасындағы ширек финалдық серия бүкіл Құрлықаралық хоккей лигасындағы ең қызықты тартыс болып танылды. Бұл туралы Vesti.kz хабарлады.
Шығыс конференциясының финалына осы екі командадан 4-2 есебімен жеңіске жеткен «Салават Юлаев» шықты. Ал «Барыс» өз тарихында тұңғыш рет Гагарин кубогының екінші айналымына өтті.
Айта кетейік, Шығыс конференциясының финалында «Салават Юлаев» енді магнитогорскілік «Металлургпен» ойнайды. Ал Гагарин кубогының басқа жартылай финалында прагалық «Лев» пен ярославтық «Локомотив» күш сынасады.
