«Барыстың» қатары Стэнли кубогының финалына шыққан спортшымен толықты
АСТАНА. Қыркүйектің 17-сі. ҚазАқпарат /Гүлнәр Жандағұлова/ - Астаналық «Барыс» американдық шабуылдаушы Том Прайссинпен бір жылға келісімге отырды,
деп хабарлады хоккей клубының ресми сайты.
32 жастағы хоккейші Ұлттық хоккей лигасында «Сан-Хосе», «Лос-Анджелес», «Колорадо» және «Оттава» клубтары үшін өнер көрсеткен, соңғы клубтың қатарында 2006/2007 жылғы маусымда Стэнли Кубогының финалына дейін жеткен.
Қазақстандық клубтың қатарына қосылған тағы бір жаңа ойыншы - голкипер Алексей Иванов, ол бұған дейін мәскеулік «Спартактың» құрамында ойнаған.
Оған қоса, «Барыс» өз шабуылдаушысы Илья Соларевті қайта шақырып алды.
