Бас прокуратура бұрынғы әкім Бергей Рысқалиевті экстрадициялауға қатысты түсінік берді
АСТАНА. KAZINFORM – Бас прокурордың орынбасары Әсет Шындалиев істі болған Атырау облысының бұрынғы әкімі Бергей Рысқалиевке жаза қолдану мүмкіндігіне қатысты пікір білдірді.
Бүгін Парламент Мәжілісінде тілшілер Бас прокуратура өкілінен істі бұрынғы облыс әкімі Б. Рысқалиевтің Лондонда неліктерн емін-еркін жүргенін сұрады.
«Оған қатысты сырттай шығарылған үкім бар. Бірақ, бізде Англиямен арада экстрадиция туралы келісімдер жоқ. Тиісті келісімдер болмаса, біздің құқық қорғау органдары ештеңе істей алмайды», - деп түсіндірді Әсет Шындалиев.
Бұған дейін бұқаралық ақпарат құралдарында Атырау облысының экс-әкімі Бергей Рысқалиев пен Президент әкімшілігінің экс-басшысы Аслан Мусиннің Лондондағы Burberry киім дүкенінің алдында суретке түскенін жазған болатын.
