Баскетбол: «Астана» ВТБ матчында «Химки» командасынан жеңіліп қалды
НҰР-СҰЛТАН. ҚазАқпарат - «Астана» баскетбол клубы ВТБ Біріккен Лигасының кезекті чемпионатының аясында ресейлік «Химки» командасымен ойнады, деп хабарлайды ҚазАқпарат Sports.kz сайтына сілтеме жасап.
Бірінші, екінші және төртінші кезеңдерде «Астана» «Химкиден» жеңіліс тапты, ал ойынның үшінші бөлігінде қонақтар қарсыластарынан басым түсті.
Астаналық команда құрамында ең көп ұпайды Джеремайя Хилл (16), Малкольм Хилл (11), Душан Ристич (10), Александр Жигулин (8), Айзея Уайтхед (7), Коти Кларк (4) жинаған.
4 қарашада «Астана» Санкт-Петербургтен келетін «Зенит» командасын қабылдайды.
ВТБ Біріккен Лигасы. 3 айналым.
«Химки» - «Астана» - 73:56 (20:13, 16:12, 16:20, 21:11).
