Баскетбол: Словения құрамасы Еуропа чемпионы атанды

АСТАНА. ҚазАқпарат -  Түркиядағы «Синан Эрдем Доум»  стадионында баскетболдан Еуропа чемпионатының финалдық матчы өтті.

Словения шешуші ойында сербиялықтарды 93:83 есебімен жеңіп, Еуропа чемпионы атанды.

 Матч барысында  Словения ойыншыларының басым екендігі байқалып-ақ тұрды. Ойынның соңғы бөлігінде  сербтер есепті теңестірген де еді, бірақ словениялықтар дес бермей, ұтып кетті.

Еске сала кетсек, бұдан бұрын үшінші орын үшін болған матчта Ресей құрамасы испандықтардан 85:93 есебімен жеңілген еді.