Бассейнге түсіп кеткен тапаншаны алмақ болған екі жасар сәби ажал құшты
АСТАНА. ҚазАқпарат - Ленинград облысындағы Приозерский ауданында саяжайдағы бассейнге екі жасар бала батып кетті. Ол үйде аға-әпкелерінің қарауында қалған.
РФ Ленинград облысы бойынша ТК баспасөз қызметінен хабарлағандай, бала бассейнге суға түсіп кеткен ойыншық тапаншаны алмақ болған.
Суға тұншыққан баланы бес жасар ағасы алып шықты. Ауруханаға апарғанымен дәрігерлер бала өміріне араша түсе алмады.
Қайғылы оқиға Кривко кентіндегі саяжай учаскесінде болды.
