Басымен плафонға кептеліп қалған күшік құтқарылды
АСТАНА. ҚазАқпарат - Ростов облысының іздеу-құтқару отрядының қызметкерлері басымен пластмасса плафонға (аспалы шамға кигізілетін қалпақ) кептеліп қалған күшікті құтқарды.
«Шамамен 17 сағатта Ростов облысы Новошахтинск қаласының іздеу-құтқару отрядына қолымен күшікті көтеріп алған, қатты алаңдаулы ер адам келген»,-деп баяндады бұл оқыс оқиға жайлы Ростов облыстық іздеу-құтқару отрядының қоғаммен байланыс қызметінің маманы Татьяна Киреева.
Күшік ескі пластмасса плафонға басын тығып, қайта шығарып ала алмаған. Иесінің де бұл қолынан келмеген көрінеді. Іздеу-құтқару отрядының қызметкерлері тістеуікпен пластмассаны кесіп, күшікті тұтқыннан босатты. деп жазады lifenews.ru.
