Батыс әскерін Украинаға жіберу - НАТО-ны іске қосу деген сөз - Лавров

АСТАНА. KAZINFORM - Еуропалық әскерді Украинаға жіберу Еуропа мен Ресейдің гибиридті соғысы емес, бұл НАТО-ны ресми түрде қақтығысқа араластыру, деп мәлімдеді Ресей Сыртқы істер министрі Сергей Лавров Мәскеуде өткен баспасөз мәслихатында.

Бұл туралы ресейлік ТАСС агенттігі жазды.

- Біз мұндай әрекеттерді бақылап отырмаймыз. Мен тағы қайталап айтамын, бұл гибридті соғыс емес, НАТО-ны тікелей, ресми, ашық түрде Ресей Федерациясына қарсы соғысқа тарту. Бұған жол беруге болмайды, - деді Ресей сыртқы істер ведомствосының басшысы журналистермен болған кездесуде.

- Әсіресе Макронның (Франция президенті Эмманюэль Макрон) кешегі Ресей - қауіп-қатер деген мағынадағы жүйкеге тиетін мәлімдемесінен кейін. Егер қауіп болса, оған әскер жіберу керек екен.

Осыған дейін Франция президенті Эмманюэль Макрон Украинадағы шиеленіс жаһандық сипат ала бастағанын айтқан еді.