Батыс Грузияда торнадо салдарынан 100 шақты үй зақымданды

ТБИЛИСИ. Ақпанның 17-сі. ҚазАқпарат - Батыс Грузияда алғаш рет торнадо тіркелді,

деп хабарлайды ҚазАқпарат Utro.ru сайтына сілтеме жасап.Метеорологтардың айтуынша, бұған дейін бұл өңірде тек дауыл болатын. Куәгерлердің айтуынша, аспан түнеріп, жер бетіне құйын үйірілген. Алай-дүлей қатты жел үйлердің шатырларын ұшырған. 15 минутқа созылған табиғаттың тосын мінезінің салдарынан, жүзден астам ғимарат зақымданған. Құрбан болғандар мен зардап шеккендер жоқ. Жергілікті өкімет қазір келген шығынды есептеп жатыр.