Батыс Қазақстан облысында қазіргі кезде көлік қатынасына шектеу жоқ - Көлік және коммуникация министрлігі
АСТАНА. 8 сәуір. ҚазАқпарат - 2011 жылғы 8 сәуірде сағат 16.00-ден бастап Батыс Қазақстан облысында Подстепное - Федоровка - РФ шекарасы автожолының бұдан бұрын жабық деп жарияланған екі учаскесінде жол ашылды.
Дәлірек айтқанда, Подстепное ауылы - Федоровка ауылы (0-37 шқ) және Бөрлі ауылы - РФ шекарасы (96-135 шқ) учаскелерінде көлік қайтадан жүре бастады. Бұл туралы ҚР Көлік және коммуникация министрлігінің баспасөз қызметі хабарлады.
ҚР Көлік және коммуникация министрлігінің «Қазақавтожол» РМК-да автомобиль жолдарының жабылған учаскелері жөнінде халықты хабардар ету үшін тәулік бойы диспетчерлік қызмет жұмыс істейді, байланыс телефоны (7172) 44-46-85. Сонымен қатар, жолдар жөніндегі шұғыл ақпарат www.mtk.gov.kz, www.kad.gov.kz, www.kazavtodor.kz сайттарында жарияланады.
