15:00, 17 Шілде 2023 | GMT +6
Батыс Қазақстан облысындағы Трекин ауылдық округінің атауы қазақшаланады
АСТАНА. ҚазАқпарат – Батыс Қазақстан облысының Бәйтерек ауданына қарасты Трекин аулдық округінің атауы өзгеруі мүмкін, деп хабарлайды ҚазАқпарат тілшісі.
«Батыс Қазақстан облысы Бәйтерек ауданының Трекин ауылдық округі – Байқоныс ауылдық округі, Трекин ауылдық округінің Трекино ауылы Байқоныс ауылы болып өзгертілсін. Осы бірлескен қаулы және шешім оның алғашқы ресми жарияланған күнінен кейін күнтізбелік 10 күн өткен соң қолданысқа енгізіледі», - деп жазылған Ашық НҚА порталында жарияланған Батыс Қазақстан облысы әкімдігі мен маслихатының бірлескен шешім жобасында.
Құжат 31 шілдеге дейін көпшілік талқылауда болады.
Қоса кетсек, бұған дейін Алматы облысына қарасты 10-ға жуық ауылдық округтің атауын өзгерту жоспарланып отырғанын хабарлап едік.