Батыс Қазақстанда 21 мыңға жуық адам ревакцинациядан өтті
БҚО денсаулық сақтау басқармасы мәлім еткеніндей, сондай-ақ Pfizer вакцинасын қабылдаған 5770 адамның 3108-і – жасөспірімдер, 195-і – жүкті, 2467-сі – бала емізетін әйелдер.
Осы кезге дейін 257 115 адам (егілуге тиісті тұрғындардың 62 пайызы) вакцинаның бірінші, 244 140-ы (58,9 пайызы) екінші компонентімен егілді.
Күні бүгін вакцинаның 78 455 доза І, 112 160 доза ІІ компоненті бар.
Басқармадан түскен мәліметке қарағанда, пандемия басталғаннан бері 40 249 адам коронавирус жұқтырды.
2020 жылы 9 221 науқас анықталса, өткен жылы ауырғандар саны 30 849-ға жетті.
Жыл басынан бері 179 адамнан індет табылса, соның екеуі – балалар.
Қазіргі таңда 504 төсектік 9 инфекциялық стационарда 57 науқас жатса, соның 9-ы жансақтау бөлімшесінде.
2021 жылы 684 адам коронавирустан көз жұмса, соңғы аптада 3 науқас қайтыс болды.
Еске сала кетейік, бұдан бұрын Батыс Қазақстанда 60-қа жуық науқастың стационарларда емделіп жатқанын жазған болатынбыз.