Батыс Қазақстанда 33 градусқа дейінгі аяздар күтілуде
ОРАЛ. ҚазАқпарат - «Қазгидромет» РМК Батыс Қазақстан облыстық филиалының мәліметі бойынша, желтоқсанның 20-сынан 21-іне қараған түні өңірде ауа температурасы 28-33 градусқа дейін күрт төмендеуі ықтимал, деп хабарлайды «ҚазАқпарат» ХАА тілшісі.
БҚО ТЖ департаментінің жедел кезекшісі, азаматтық қорғау капитаны Азамат Нұрпейісовтің айтуынша, Орал қаласында бұл күндері 30-32 градусқа дейін суытпақ. Осыған байланысты өңірде тұрғындар арасында төтенше жағдайларға жол бермеу, сондай-ақ өмірлік маңызы зор нысандар, электр және байланыс жүйелерінің үздіксіз жұмысын қамтамасыз ету мақсатында сақтық шаралары қолға алынуда.
Айта кетейік, қазіргі кезде облыс орталығында күн жылы, температура тілі 1 градусты көрсетіп тұр.
