22:10, 04 Қыркүйек 2019 | GMT +6
Батыс Қазақстанда 5 тонна пішен өртеніп кетті
ОРАЛ. ҚазАқпарат – Батыс Қазақстан облысында 5 тонна пішен өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға кеше кешкісін Бөкей ордасы ауданы Бисен ауылында болды.
Сағат 20.46-да пішеннің отқа оранғаны жөнінде хабар түскен.
«Тілсіз жауды» ауыздықтауға 3 адам, 1 техника жұмылдырылды. Өрт сөндірілгенімен, 5 тонна пішен жанып кетті.
Зардап шеккендер жоқ.
Өкінішке қарай, өңірде қысқа дайындалған пішеннің өртенуі жиілеп тұр.
Еске сала кетейік, бұдан бұрын облыста қора-қопсы мен пішеннің өртеніп кеткенін жазған болатынбыз.