Батыс Қазақстанда ауыл адамдарына қасқыр шапты

ОРАЛ. Қыркүйектің 3-і. ҚазАқпарат /Ғайсағали Ералы/ - Қыркүйектің 1-і күні таңертең БҚО-ның Жәнібек ауданы Күйгенкөл ауылына кіріп кеткен қасқыр біраз лаң салды,

деп хабарлайды ҚазАқпарат тілшісі.

Мал мен жанға шапқан қасқыр үш бірдей кісіні тістеп үлгерген, оның ішінде ауылға Оралдан қыдырып келген бала да бар. Олардың үшеуі де аудандық ауруханаға жатқызылып, тиісті емдерін алса, мезгілсіз келген бөріні ауыл адамдары жабылып өлтірген. Қасқырдың басы құтыру ауруына тексеру үшін аудандық малдәрігерлік зертханаға тапсырылды.