Батыс Қазақстанда Азиада құрметіне жарыс ұйымдастырылды
ОРАЛ. 2 ақпан. ҚазАқпарат /Елжан Ералы/ - БҚО-ның Теректі ауданы орталығы Федоров ауылында қысқы Азиада құрметіне жасөспірімдер арасында қысқы спорттық ойындар ұйымдастырылды.
Аудандық әкімдік ғимаратының алдына жиналған қырық шақты жасөспірім Жеңіс алаңына дейін жүгіріп өтіп, спорт алаңында ұйымдастырылған шараларға қатысты.
Шаңғы эстафетасы бойынша №1 Федоров орта мектебінің командасы І орынды иеленді. Қар үстіндегі футбол бойынша да осы мектеп командасы жеңіске жетті. Сондай-ақ жекелеген мектеп оқушылары арасында көңілді старт ойындары ұйымдастырылып, шара соңында жеңімпаздар марпатталды. VII қысқы Азия ойындарына арналып өткізілген шарада спортшылардың салтанатты шарадағы киім үлгілері мерекенің шырайын келтіре түсті.
