Батыс Қазақстанда бір жылда 12343 сәби дүниеге келді
ОРАЛ. Қаңтардың 13-і. ҚазАқпарат /Елжан Ералы/ - Батыс Қазақстан облысында 2009 жылы 12343 сәби дүниеге келді.
Облыстық денсаулық сақтау басқармасы ана мен бала денсаулығын қорғау бөлімінің бастығы Сара Еспанованың хабарлағанындай, бұл 2008 жылғыдан ( 11503 ) едәуір артық. Жалпы, 1999 жылдан бері өңірде бұл көрсеткіш бірте-бірте жоғарылап келеді.
Жаңа жылдан бастап сәбидің туылуына байланысты берілетін жәрдемақы көлемінің өсуі де аналарды қуантып отыр.
