Батыс Қазақстанда қажетті мал азығы дайындалды

ОРАЛ. 16 қазан. ҚазАқпарат - Батыс Қазақстан облысында алдағы қысқа қажетті 987 мың тоннаның орнына 1039 мың тонна мал азығы дайындалды.

Облыстық ауыл шаруашылығы басқармасынан түскен мәліметке қарағанда, шөптің өнімділігі төмен болғанымен, жоспар асыра орындалды. Қала маңындағы және Зеленов, Жаңақала аудандарының шаруалары жоғары өнімділікке қол жеткізді. Мұнда әр гектарға 5 центнерден айналды. Ал Қазталов, Ақжайық аудандары көлемі жағынан алда болды.

Азықтық дақылдарды жинауға өңірдегі қуаңшылық әсер етті. Мәселен, құрамажемнен қажетті көлемнің 16 пайызы ғана әзірленді.