Батыс Қазақстанда контейнер мен екі автобус жанып кетті

None
Фото: БҚО ТЖД баспасөз қызметі
ОРАЛ. ҚазАқпарат - Батыс Қазақстан облысында контейнер мен екі автобус жанып кетті, деп хабарлайды ҚазАқпарат тілшісі.

БҚО ТЖ департаменті баспасөз қызметінің мәліметіне қарағанда, оқиға 9 шілде күні Бәйтерек ауданы Мичурин ауылында болған.


«Сағат 03.08-де Завод көшесі 14/3-мекенжайында «Восход» ЖШС аумағында автобөлшектерімен темір контейнер (20 шаршы метр) отқа оранды. Сондай-ақ «ПАЗ» маркалы екі автобустан түк қалмады. Оған қоса жалын Митсубиси Кантер автокөлігі базасындағы иінді көтергіш пен «Лада Веста» жеңіл көлігін ішінара шарпыды. Тілсіз жау сағат 03.45-те оқшауланып, 04.08-де ауыздықталды. Қазіргі кезде өрттің шығу себебі, келтірілген шығын анықталып жатыр», - деп хабарлады ведомстводан.


Еске сала кетейік, бұдан бұрын Батыс Қазақстанда тағы бір жас жігіттің суға кеткенін жазған болатынбыз.

Соңғы күндері өңірде күн күрт ысып, өрт қаупі күшейіп тұр.


Соңғы жаңалықтар