Батыс Қазақстанда Құрбан айт мерекесі кеңінен тойлануда

None
None
ОРАЛ. ҚазАқпарат - Бүгін Батыс Қазақстан облысының барлық мешіттерінде айт намазы оқылып, мереке басталды, деп хабарлайды «ҚазАқпарат» тілшісі.

Орал қаласындағы орталық мешітке келгендерді ҚМДБ-ның Батыс Қазақстан облысы бойынша өкіл имамы Руслан қажы Сұлтанов құттықтап, игі тілегін білдірді.

Биыл Құрбан айтқа байланысты әзірлік-түсінік жұмыстары жүргізіліп, Орал қаласында қасапшыларға арналған семинар, ветеринарлық-санитарлық талаптарға сай келетін бес мал сою пункті («Ел ырысы» базарының аумағы, «Кублей» ЖШС, «Уральские колбасы» ЖШС, «Құспанов С.К» ЖК, «Батыс Адал ет» ЖШС) ұйымдастырылды. Қазіргі кезде қалада тоқтылар 18-20 мың теңгеден сатылуда. Қой 35 мың теңгеге дейін барады. Қасапшы қойды сойып, жіліктеп бергені үшін 2 мың теңге алады. Ірі қараның бағасы 200 мың теңгенің төңірегінде.

Өңірде Құрбан айтқа байланысты қайырымдылық, мәдени-спорттық шаралар да өтуде. 

Соңғы жаңалықтар
telegram