Батыс Қазақстанда тағы бір адам суға кетті
ОРАЛ. ҚазАқпарат – Батыс Қазақстан облысында тағы бір адам суға кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға кеше Ақжайық ауданы Тайпақ ауылынан 9 шақырым жерде Жайық өзенінде орын алды.
2000 жылғы жігіт шомылуға тыйым салынған жерден суға түсіп, сағат 12.00-де батып кеткен. Құтқарушылар марқұмның денесін сағат 21.10-де өзеннен шығарды.
Осымен өңірде суға кеткендер саны 26-ға жетті, соның жетеуі – балалар.
Еске сала кетейік, бұдан бұрын екі күнде үш баланың суға кеткенін жазған болатынбыз.
