Батыс Қазақстанда таңдаушылар дауыс беріп жатыр

ОРАЛ. ҚазАқпарат - Батыс Қазақстан облысында Сенат депутатын сайлау үшін таңдаушылар дауыс беріп жатыр, деп хабарлайды ҚазАқпарат тілшісі.

БҚО мәслихатының хатшысы Бибігүл Қонысбаеваның мәлім еткеніндей, таңдаушылардың бірлескен отырысына 185 депутаттың 172-сі немесе 93 пайызы қатысуда.

Облыстық аумақтық сайлау комиссиясының төрағасы Ғайса Қапақов комиссияның сайлау алдындағы барлық іс-шараларды заңға сәйкес, мерзімінде атқарғанын жеткізді.

«Облыс бойынша барлығы 8 үміткер өзін-өзі ұсынды. Соның ішінде үшеуі тіркелді», деді Ғ.Қапақов.

Қазіргі кезде депутаттар дауыс беруде.

Еске сала кетейік, бұдан бұрын Батыс Қазақстанда Сенат депутатын сайлауға 185 таңдаушының қатыспақшы екендігін жазған болатынбыз.