12:47, 28 Тамыз 2019 | GMT +6
Батыс Қазақстанда трактор өртеніп кетті
ОРАЛ. ҚазАқпарат – Батыс Қазақстан облысында трактор өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 27 тамыз күні сағат 22.25-те болды.
Чапаев-Жалпақтал жолының 142-шақырымында трактор өртеніп жатқаны жөнінде хабар түскен. Жүріп келе жатқан «МТЗ-80» тракторының мотор бөлігі жанған.
Өртті сөндіруге 3 адам, 1 техника барды.
Зардап шеккендер жоқ.
Қазіргі кезде оқиғаның жай-жапсары анықталу үстінде.
Еске сала кетейік, бұдан бұрын өрттен 100-ден астам малдың қырылып қалғанын жазған болатынбыз.