Батыс Қазақстанда үсік жүреді
ОРАЛ. ҚазАқпарат – Батыс Қазақстан облысында үсік жүретіні жөнінде ескерту жарияланды, деп хабарлайды ҚазАқпарат тілшісі.
«Қазгидромет» РМК БҚО филиалының мәліметі бойынша 5 қыркүйек күні түнде кей жерлерде топырақ бетінде 1-3°С үсік болуы ықтимал.
Осыған байланысты БҚО ТЖ департаменті тұрғындар арасында төтенше жағдайларды болдырмау, өмірлік маңызы зор нысандардың қалыпты қызметін қамтамасыз ету бағытында шаралар қолға алынып жатқандығын жеткізді.
Тәулік бойы кезекшілік ұйымдастырылып, төтенше жағдайларды жоюға қажетті күш-құралдар дайындыққа келтірілді.
Айта кетейік, өңірде үсік жүретіні жөнінде бұдан бұрын да ескертілген болатын.
