Батыс Қазақстанда жел күшейіп, тұман түседі
ОРАЛ. ҚазАқпарат – Батыс Қазақстан облысында тұман түсіп, жел күшейеді, деп хабарлайды ҚазАқпарат тілшісі.
«Қазгидромет» РМК БҚО филиалының мәліметіне қарағанда, 13 сәуір күні кей жерлерде тұманға қоса солтүстік-батыстан соғатын желдің жылдамдығы секундына 15-20 метрге жетуі ықтимал.
Осыған байланысты БҚО ТЖ департаменті ескерту жариялап, тұрғындар арасында төтенше жағдайларды болдырмау мақсатында тиісті шаралар алынып жатқанын хабарлады.
Тәулік бойы кезекшілік ұйымдастырылып, апатты жағдайды жою үшін күш-құралдар дайындыққа келтірілді.
Оралда бүгін де күн желкем болып тұр.
