Батыс Қазақстанда жүк көлігі өртеніп кетті
ОРАЛ. ҚазАқпарат – Батыс Қазақстан облысында жүк көлігі өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 14 наурыз күні Теректі ауданы аумағында болды.
Сағат 08.53-те Самара-Шымкент жолының 290-шақырымында Барбастау ауылы тұсында бір реттік пластикалық ыдыс тиелген «Мерседес» жүк көлігі отқа оранды.
«Тілсіз жау» өрт сөндірушілердің күшімен сағат 10.00-де ауыздықталды.
Қазіргі кезде өрттің шығу себебі анықталу үстінде.
Жыл басынан бері осымен 20 автокөлік өртенді.
Еске сала кетейік, бұдан бұрын Батыс Қазақстанда 300-дей жүк көлігі жол кептелісінде тұрып қалғанын жазған болатынбыз.
