Батысқазақстандық ішкі істер қызметкерлері қауіпті заттардың заңсыз айналымын анықтады
ОРАЛ. Наурыздың 26-сы. ҚазАқпарат /Елжан Ералы/ - БҚО ішкі істер департаменті есірткі бизнесімен күрес басқармасының қызметкерлері «Допинг» жедел алдын алу шарасы барысында «Интергаз Орталық Азия» АҚ Орал магистральды газ құбырлары басқармасы филиалында 2004-2007 жылдары прекурсорлардың тиісті рұқсатсыз заңсыз айналымда болғанын анықтады,
деп хабарлайды ҚазАқпарат тілшісі облыстық ішкі істер департаментінің баспасөз қызметінен түскен мәліметке сілтеме жасап.
Тексеру барысында 2 килә күкірт қышқылы, 2,5 киләдай тұз қышқылы 11 килә толуол табылып, тәркіленді. Бұлардың бәрі де сараптамаға жіберілді.
