Батысқазақстандық пианист халықаралық байқаудан бас жүлдемен оралды
ОРАЛ. Ақпанның 19-ы. ҚазАқпарат /Ғайсағали Ералы/ - М.Өтемісұлы атындағы Батыс Қазақстан мемлекеттік университеті мәдениет және өнер институтының оқытушысы Максим Попов Санкт-Петерборда өткен «Еуропаға терезе» халықаралық байқау-фестивалінен бас жүлдемен оралды,
деп хабарлайды ҚазАқпарат тілшісі.
Осы арқылы батысқазақстандық пианист Франция, Австрия, Бельгия мен Германия сынды Еуропа елдерінде өнер көрсету мүмкіндігіне ие болды. Сондай-ақ Ресейден авторлық жинағын шығару құқығын да еншіледі. Аталмыш өнер додасы негізінен балалар мен жасөспірімдер шығармашылығына арналғанымен, биыл жас жағынан шектеу алынып тасталған болатын.
Құрманғазы атындағы Орал музыка училищесін бітірген М.Попов ? Л.Собинов атындағы Саратов мемлекеттік консерваториясының түлегі.
