«Бавария» футболдан Германия чемпиондығын жеңіп алды
АСТАНА. ҚазАқпарат - Мюнхендік «Бавария» қонақта «Ингольштадт» клубын 2:1 есебімен ұтып футболдан Германия чемпионатында жеңіскер атанды, деп хабарлады ВВС агенттігі.
Кездесуде екі голды да польшалық шабуылшы РобертЛевандовский салды. Қарсылас команда есебіндегі жалғыз голды айып алаңынан Мориц Хартман соқты.
«Баварияның» басты қарсыласы дортмундтық «Боруссия» параллель ойында «Айнтрахт» командасынан 1:0 есебімен ұтылып қалды.
Осылайша, «Бавария» 8 ұпаймен озып, мерзімінен бұрын чемпиондық титулды төртінші жыл қатарынан қанжығасына байлағалы отыр.
