Бавария мен Саксония жаппай су тасқынына дайындалып жатыр

АСТАНА. KAZINFORM – Польша, Словакия және Чехияда толассыз жауған жаңбыр жақын арада өзендер арнасынан асып кетеді деген үрей туғызуда. Бұл кейбір неміс мемлекеттеріне, атап айтқанда, Бавария мен Саксонияға да қауіп төндіруі мүмкін. Бұл туралы BILD басылымы жазды. 

Саксониядағы Эльба өзенінде су деңгейінің күрт көтерілуі күтілуде. Болжам бойынша, жағдай осы аптаның ортасына дейін ушығады. Су тасқыны Баварияға әсер етіп үлгерді, әсіресе Розенхайм қаласының оңтүстігіндегі шағын Оберкальтбрун ауылы зардап шеккен. Мұнда небәрі 60-қа жуық адам тұрады.

Венаның солтүстігіндегі Австрияда жағдай қиындай түсті. Дунайдың бір саласы Камп өзенінде жаппай су тасқыны болды. Билік қазіргідей ауқымды су тасқыны жағдайлары орта есеппен жүз жылда бір рет болатынын айтуда. Венада сақтық шарасы ретінде екі метро желісіндегі жұмыс жартылай тоқтатылды.

Чехияда су тасқыны кезінде бірнеше адам із-түзсіз жоғалып кетті. Польшамен шекаралас Опава қаласында билік мыңдаған адамды эвакуациялауға мәжбүр болды. Чехияның Богумин қаласында қалалық аурухана эвакуацияланды.

Орталық Еуропада да толассыз жауған су тасқыны орын алды. Бұл аймақтағы елдер ең нашар жағдайға дайындалуда. Румынияда су тасқынынан құрбан болғандар бар.

Қатты су тасқынына байланысты Польшада да төтенше жағдай жарияланды. Бяла-Глухоласка өзені арнасынан асып, Глухоласка қаласы суға батып жатыр. Поляк армиясының төрт мың жауынгері жауынгерлік әзірлікте.