Баян Есентаева КешYOU тобындағы өзгерістерді жариялады
«Осындай да болады. Біреу келеді, біреу кетеді, дегендей. Он жылдың ішінде талай әндер шырқалды. Қанша жан сүйсінерлік істер болды, табыстар да аз емес, күйініштер де орын алды. Дегенмен жақсылықтар есте қалады. Біздің сүйікті төл перзентіміз КешYOU-дің жаңа өмірі басталмақ», - деп жазды ол Instagram желісінде. Продюсер осы жылдары топ құрамы бірнеше рет өзгергенін еске салды. «Қыздар өте талантты екені сөзсіз, олардың бәрі де өз жолдарын тапты, сөйтіп, Кешью жаңарып отырды. Жақын арада жаңа КешYOU өмірге келеді», деп қосты Б.Есентаева.
Енді бірде ол алдағы өзгерістердің кейбір сәттеріне тоқталды. Атап айтқанда, ол Кәмшат Жолдыбаеваның өзінің жеке мансабын бастайтынын жеткізді.
Еске сала кетейік, КешYOU қазақстандық эстрададағы танымал әншілер тобының бірі. Әр жылдарда оның құрамында Әнел Әрінова, Мөлдір Әуелбекова және Жанар Доғалова ән салды.