Бәйгеден республикалық турнир өтеді: Жүлде қоры - 20 млн теңге

АСТАНА. ҚазАқпарат - Астананың 20 жылдық мерейтойы қарсаңында «Қазанат» ипподромында бәйге түрлері бойынша республикалық турнир өтеді, деп хабарлайды «SPORTINFORM» САА.

Екі қашықтықта өтетін жарыс бағдарламасына 25 шақырымға шақталған аламан бәйге мен 16 шақырымдық бәйге кіреді. Әр облыстан және Астана мен Алматы қалаларынан екі аттан қатыса алады. Жалпы жүлде қоры Астананың 20 жылдығымен байланыстырылып, 20 млн теңгені құрады. Аламан бәйгенің жеңімпазы 20 мың долларға ие болады.

Жарыстар 6 шілде күні сағат 14.00-де «Қазанат» ипподромында өтеді.