Байқаушылар Президенттік сайлау бойынша объективті баға беретініне сенімдімін - Елбасы
АСТАНА. 30 наурыз. ҚазАқпарат /Руслан Ғаббасов/ - Байқаушылар кезектен тыс Президенттік сайлау бойынша объективті баға беретініне сенімдімін.
Бүгін Ақордада бірқатар шет мемлекеттердің Қазақстандағы елшілерінен Сенім грамоталарын қабылдау кезінде Елбасы Нұрсұлтан Назарбаев осылай айтты.
«Алдағы жексенбіде Қазақстан Республикасы Президентінің сайлауы өтеді. Сайлау барысына 1 мыңнан астам шетелдік байқаушылар қатысады»,-деді Мемлекет басшысы.
«Біз әділ әрі ашық сайлау өткізу үшін барлығын жасаудамыз. Барлық байқаушылар Президенттік сайлау бойынша объективті баға беретініне сенімдімін»,-деп түйіндеді сөзін Н. Назарбаев.
