«Байқоңыр» ғарыш айлағынан екі зымырантасымалдағыш ұшырылды

деп  хабарлады ҚР Төтенше жағдайлар  министрлігінің баспасөз қызметінен.

Кеше  астана уақыты  бойынша   21.55-те  «Союз-2.1б»  зымырантасымалдағышымен   «Метеор-М»   ғарыш аппараты    ұшырылды.  Төтенше жағдайлар  министрлігінен  хабарлағандай,    ұшу сапарымен байланысты   ықтимал  салдарларды  жою   үшін,   сағат 19.55 пен   22.55-тің  аралығында   Қызылорда,  Қарағанды,   Қостанай  және  Ақтөбе  облыстарының  төтенше жағдайлар   жөніндегі департаменттерінің апаттық-құтқару күштері мен   техникалары     жоғары  дайындық  режимінде  жұмыс істеді.

Оған қоса,  бүгін сағат  1.00-де  ғарыш айлағынан   «Протон-М» зымырантасымалдағышымен    «Нимик-5» ғарыш аппараты  ұшырылды.  Бұл жолы  Павлодар, Шығыс Қазақстан  облыстарының  төтенше жағдайлар    департаменттерінің  құтқарушылары     Қызылорда  және  Қарағанды  облыстарының  департаменттерімен бірлесіп,  сағат 23.19 бен  02.19-дың аралығында    жоғары  дайындық режимінде  болды.

Екі  зымыранның  ұшырылуы штаттық  бағдарлама  бойынша  өтті.