Байқоңырда америкалық «АМС-4Р» жер серігін ұшыруға даярлық жүргізілуде
БАЙҚОҢЫР. Сәуірдің 17-сі. ҚазАқпарат - «Байқоңыр» ғарыш айлағында «Бриз-М» жеделдеткіш блогымен және америкалық «АМС-4Р» телебайланыстық ғарыш аппаратымен «Протон-М» ғарыштық мақсаттағы зымыранын (ҒМЗ) ұшыруға даярлық жүргізіліп жатыр.
«Оңтүстік» Ғарыш орталығы (ҒО) баспасаөз қызметінің хабарлауынша, Роскостың мамандары зымыранның - «Бриз-М» жеделдеткіш блогы және америкалық «АМС-4Р» телебайланыстық ғарыш аппараты құрайтын ғарыштық бас жағындағы бөлігін жинап бітті, енді ҒМЗ-ның жалпы жинақтау жұмыстары күтіп тұр.
«Протон-М» ҒМЗ ғарыш айлағының 200-інші мәре кешеніне жеткізу сәуірдің 20-сына белгіленген, ал ұшуы сәуірдің 24-іне Астана уақытымен 17 сағат 19 минутқа жоспарланған.
