Байқоңырда ауғандықтардың қоғамдық ұйымы құрылды
ҚЫЗЫЛОРДА. Наурыздың 23-і. ҚазАқпарат /Руслан Игілік/ - Ауғанстандағы жарияланбаған соғысқа қатысып қайтқан кешегі жауынгерлердің ұйымы Байқоңыр қаласында да бой көтерді, деп хабарлайды ҚазАқпарат тілшісі.
Бұл бірлестікке ғарыш айлағымен қоса онымен іргелес Төретам және Ақай елді мекендерінде тұрып жатқан 70-ке жуық ауған соғысына қатысушылар тіркелген. Ұйымға жергілікті жұртқа аты танымал бизнесмен, бұрынғы кент әкімі Кенжебек Үйреков жетекшілік етеді.
