«Байқоңырдан» «Аник-Ж1» ғарыш аппараты бар «Протон-М» зымыран-тасығышы ұшырылды
АСТАНА. 16 сәуір. ҚазАқпарат - «Байқоңыр» ғарыш айлағынан "Аник-Ж1" ғарыш аппараты бар "Протон-М" зымыран-тасығышы ұшырылды, деп хабарланды Ресей Ғарыш агенттігінің ресми сайтында.
Зымыран Астана уақытымен сағат 00.36-да (мәскеу уақытымен 22.36-да) кешеннің 200-інші алаңынан ұшырылды. "Бриз-М" үдеткіш блогы бар зымыран орбитаға "Аник-Ж1" телекоммуникациялық ғарыш аппаратын шығаратын болады.
«Ұшырылым циклограммасына сәйкес, құрамында "Бриз-М" және "Аник-Ж1" бар басты блок зымыран-тасығыштың үшінші сатысынан ажырады. Ғарыш аппаратын нысаналы орбитаға одан әрі шығару үдеткіш блокқа орнатылған қозғалтқыштың көмегімен жүзеге асырылатын болады», - делінген таратылған хабарламада.
