Байқоңырдан байланыс серігі бар «Протон-М» зымыран-тасымалдағышы ұшырылды
АСТАНА. 18 мамыр. ҚазАқпарат - 17 мамыр күні мәскеу уақыты бойынша сағат 23:12-де Байқоңыр ғарыш айлағы 81-інші алаңының ұшу кешенінен зымыран-ғарыштық өнеркәсіптік кәсіпорындардың есептеулерімен «Бриз-М» үдеткіш блогы бар «Протон-М» зымыран-тасымалдағышы ұшырылды.
Зымыран «Нимик-6» телекоммуникациялық ғарыштық аппаратын орбитаға шығару үшін арналған, деп хабарлады Роскосмостың баспасөз қызметінен.
Ұшу циклограммасына сәйкес құрамында «Бриз-М» үдеткіш блогы және «Нимик-6» ғарыштық аппараты бар бас блок зымыран-тасымалдағыштың үшінші сатысынан штаттық түрде ажырады, осыдан кейін үдеткіш блок ғарыштық аппаратты мақсатты орбитаға шығаруды жалғастырды.
Ғарыштық аппараттың екпінді блоктан ажырауы 18 мамыр күні мәскеулік уақыт бойынша сағат 8:26-да жоспарлануда.
