Беделді кәсіподақтар қалай жұмыс істеу керектігі айтылды
АТЫРАУ. ҚазАқпарат - Қазақстан Халық партиясының өкілдері Атырау қаласындағы Кәсіподақтар үйінің кіші залында еңбек ұжымдарымен, мұнай-газ секторының қызметкерлерімен кездесті. Бұл туралы ҚазАқпарат партияның баспасөз қызметіне сілтеме жасап хабарлайды.
Жиында жұмысшылардың құқығын шынайы қорғайтын тәуелсіз кәсіподақтарды қолдау бастамасы кеңінен түсіндірілді. Әлеуметтік мемлекет дегеніміз – беделді кәсіподақтар және еңбекшілердің салалық одақтары. Кәсіподақтар ел азаматтарының құқықтарын қорғап, еңбек дауларын әділ шешуі керек.
