Бельгияда жалпыұлттық шеру өтіп жатыр
БРЮССЕЛЬ. ҚазАқпарат - Брюссельде Бельгия билігінің әлеуметтік және экономикалық саясатына қарсы жалпыұлттық манифестация өтіп жатыр.
Кәсіби одақтардың ақпаратынша, наразылық шарасына 50 мыңға жуық адам қатысады.
Осындай шерулер корольдіктің өзге де аймақтарында - Валлония мен Фландрияда басталды.
Шеруге шыққандардың талаптары Бельгияның еңбекпен қамту министрі Крис Петерстің 38 сағаттық жұмыс аптасынан бас тарту туралы соңғы шешімдеріне, сонымен қатар үкіметтің қатаң үнемдеу саясатына қарсы бағытталған.
