Бельгияның Премьер-Министрі болып Герман Ван Ромпуй сайланды

БРЮССЕЛЬ. Қаңтардың 2-сі. ҚазАқпарат /Ержан Оспанов/ – Өткен жылдың соңғы күндерінде Бельгияның коалициялық жаңа үкіметі сайланды.

Фламандтық христиандық-демократиялық партияның көшбасшысы Герман Ван Ромпуй Премьер-Министр болды, деп хабарлайды ҚазАқпарат жергілікті бұқаралық ақпарат құралдарына сілтеме жасап. Министрлер кабинетінің жаңа басшысы өткен жылдың желтоқсан айында қызметтен кеткен Ив Летермнің командасын ауыстырды. Жаңадан қалыптастырылып жатқан үкіметтің құрамына бес партияның өкілдері енеді.