Беларусь 2018 жылдан бастап Ресейдің электр қуатынан бас тартады

АСТАНА - ҚазАқпарат - Беларусь 2018 жылдан бастап элект қуатының импортынан толықтай бас тартады, оның ішінде Ресейдің де өнімі бар. Бұл туралы осы елдің энергетика министрі Владимир Потупчик парламентте мәлімдеді, деп хабарлайды ТАСС .

«Біз Ресейден электр қуатын импорттау  жөніндегі келісімдерді аяқтадық. Ресей ұсынып отырған бағамен біз электр қуатын сату алудан бас тартамыз. Өзіміздікін өндіреміз. 2018 жылдан бастап, электр қуатын импорттаудан толықтай бас тартамыз»,-деді ол.

Осы елдің вице-премьері Владимир Семашконың айтуынша, республикада салынып жатқан АЭС шеттен электр қуатын сатып алуды тоқтатуға толық мүмкіндіп беріп отыр.

Бұған дейін Беларусь Ресейден 2017 жылы 2,5 млрд кВт/сағ сатып алып және 1 млрд кВт/сағ электр қуатын қосымша сақтап қойған болатын.

Беларусь сонымен қатар Украинадан да электр сатып алып келген, алайда 2017 жылдан бастап бұл импорт тоқтатылды.