Беларусь елі парламенттің жаңа құрамын сайлады
АСТАНА. ҚазАқпарат - Беларусь Орталық сайлау комиссиясының төрайымы Лидия Ермошина парламенттің жаңа құрамы сайланғандығын мәлімдеді. Бұл туралы «Белтелерадиокомпания» хабарлады.
Елдегі парламенттік сайлау жергілікті уақыт бойынша 11 қыркүйек күні сағат 20: 00-де аяқталды.
Сайлаудың түпкілікті қорытындысы түн ортасына таяу белгілі болады.
11 қыркүйекте ел азаматтары Беларусь парламентінің төменгі палатасы депутаттарын таңдады.
Күндіз елдің Орталық сайлау комиссиясы сағат 14:00-де сайлаушылардың 52,49 пайызы дауыс бергендіктен парламенттік сайлауды өтті деп таныды.
