Беларусь елінде шекара бойында жанармай босатудағы шектеу алынып тасталды
АСТАНА. ҚазАқпарат - 22 тамыздан бастап Беларусь елінде шекара маңындағы жанармай құю бекеттерінде жүк көліктеріне жанармай сатудағы шектеу алынып тасталды.
Аталмыш елдің 2014 жылғы 18 тамыздағы №798 Министрлер кеңесінің қаулысы 22 тамыздан, яғни бүгіннен бастап күшіне енді.
Айта кетейік, осыған дейін "Белнефтехим" концерні шекара маңындағы жанармай құю стансаларында көліктерге жанармай-жағармайды сату көлеміне шектеу қойған болатын. Жанармай құю стансаларында жүк көліктеріне 200 л көлемнен асырмай жанармай сатуды шектеу 2011 жылы енгізілген еді. Концерн өкілдері бұл шараның енді қажетсіз екенін жеткізген, деп хабарлайды БЕЛТА.
