Беларусь еліне Куба делегациясы келеді - БР СІМ
МИНСК. 18 ақпан. ҚазАқпарат /Айтуар Мамлин/ - Кубаның Сыртқы істер министрі Бруно Родригесом Паррильей бастаған кубалық ресми делегация Беларусь Республикасына сапар жасайды.
Бұл туралы бейсенбі күні өткен брифинг барысында Беларус Сыртқы істер министрлігінің баспасөз хатшысы Андрей Савиных мәлім етті.
2011 жылдың 21-23 ақпан күндеріне жоспарланып отырған сапар барысында кубалық делегация басшысын Беларусь Республикасының Президенті Александр Лукашенко қабылдайды деп күтілуде. Беларусь Ұлттық жиналыс өкілдері палатасының төрағасы Владимир Андрейченкомен болатын кездесу барысында тараптар Беларусь-Куба парламентаралық ынтымақтастығының қазіргі жағдайы мен болашағын талқылайтын болады.
Сыртқы істер министрлігінде екі елдің сыртқы саяси ведомство басшылары өзара мүддеге ие саяси және сауда-экономикалық өзара іс-қимыл жасау мәселелерінің барлық түрлері бойынша бірлескен кеңестер өткізеді.
Куба Беларусьтің Латын Америкадағы маңызды сауда әріптесі болып табылатындығын айта кеткен жөн.
