Беларусь Премьері қызметіне Михаил Мясникович тағайындалды
АСТАНА. 29 желтоқсан. ҚазАқпарат - Беларус Президенті Александр Лукашенко ел Үкіметінің жаңа басшысын тағайындады, деп хабарлады БЕЛТА агенттігі.
Сергей Сидорскийдің орнына бұл лауазымға бұрын республика Ғылым академиясын басқарған Михаил Мясникович отырды. Сондай-ақ Лукашенко Үкімет пен Президент әкімшілігінде бірқатар кадрлық өзгерістер жасады. Бұдан бұрын Президент сайлауына байланысты республика Үкіметі отставкаға кеткен болатын.
