Белбеу күресі: Қызылордалық команда ел чемпионатында жеңімпаз атанды

ҚЫЗЫЛОРДА.ҚазАқпарат-Атырау қаласында белбеу күресінен 2000-2001 жылдары туған жасөспірім ұлдар мен қыздар арасында өткен ел чемпионатында қызылордалық спортшылар 21 жүлдені иеленіп, жалпыкомандалық есепте 1-орынды жеңіп алды. Оның 8-і ­ алтын, 7-еуі күміс, 6-ауы қола медаль. Бұл туралы ҚазАқпарат тілшісі хабарлады

Айта кетейік, Қазақстан чемпионатына облыс атынан 33 спортшы  қатысып, оның 21-і жүлдемен оралды.

Үстіміздігі жылдың желтоқсан айында Ташкентте белбеу күресінен өтетін Әлем чемпионатына 1,2 - орындарды иеленген 15 спортшы қатысады.

Спортшыларды жарысқа белбеу күресінен облыстың аға жаттықтырушысы Әбдісаттар Садықов дайындады.